عزيزتي الأمورة ...4
بضمان البنك...!!!
أهلا يا أمورة ...
علي الفور نعيد القواعد الأساسية... ظل رجل ولا ظل حائط ، ان غدا لناظره قريب ، لجل الضمان والهيمنة والسيطرة !!!
ولنكمل علي الفور: هذه المرة ننهي موضوع الضمان بالحديث عن الشق الأهم : ضمان البنك !!! ولذا نقول :
يجب علي كل أمورة أن تختار من البداية بشكل صحيح...
يعني بالعربي تقيس مرتين عشان تشتري مرة واحدة.
والكلام ده لما يتطبق علي الجانب المالي للزواج يكون بأن الأمورة لازم تحدد اتجاهها من الأول ... ومن قبل الأول كمان.
يعني العريس المنتظر مينفعش يكون كما يكون ... من أي مكان صحرا كان أو بستان ... لا بد أن يكون هناك تقسيم وترتيب مدروس
لازم الأمورة تعرف ان الضمان المالي مصدره الأساسي وظيفة العريس ...
طبعا فيه عوامل ثانيه ، بس المصدر الأساسي اللي بيتجاوب بيه علي سؤال من أين لك هذا ؟ لما العريس يتقبض عليه – ان شاء الله – ويتاخد قدام المدعي الاشتراكي فهيقول من وظيفتي !!! ومن مرتبي !!!
وباعتبار الأمورة والمدعي الاشتراكي واحد ... يبقي لازم تعرف من الأول ان تحقيق ضمان البنك يعتبر مستحيل لو كان العريس بيشتغل في عدد من الوظائف اللي مش ولا بد ... مالياً يعني...
مثلاً :
العريس المدرس...لا يمكن أمورة توافق علي عريس مدرس أي حاجة أولها تربية...رياضية ...فنية... موسيقية ، وكافة الأنشطة المشابهة..." مجالات ، زراعية ، صناعية ، أشغال ، تدبير" – لو فيه رجالة بتدرس أشغال أو تدبير – وطبعا السبب واضح ... انهم " ما بيدوش دروس خصوصية".
بس فيه انواع تانيه ممكن التفكير فيها مثلا : مدرس الرياضيات هو غاية المراد من رب العباد . ليه ؟ عشان مدرس الرياضيات متعدد المواهب ، يعني ممكن يدرس " جبر ، هندسة ، حساب مثلثات ، احصاء ، ميكانيكا ، الخ الخ .."
يعني في ظل نظام الثانوية العامة اللي بيتغير كل خمس دقائق ، هو مش قلقان ، لأن حتي اللي هيدخل أدبي هياخد فرع رياضيات واحد غير الاحصاء ، في حين ان العلمي هيشيل الليلة.
بعد الرياضيات ييجي مدرسين العلوم : كيمياء ، فيزياء ، احياء ... وترتيبهم بيختلف علي حسب شطارة المدرس ونجاحه في انه يعمل لنفسه شعبية في المراكز المختلفة ، وانه يخترع لنفسه لقب زي ارشميدس الكيمياء ، او نيوتن الفيزياء ، او حتي مندل الاحياء
بعد كده ييجي مدرس اللغة العربية او الانجليزية ودول صحيح مستمرين طول الثلاث سنوات للثانوية العامة ، لكن درجاتهم اقل وكده الاهتمام بيبقي أقل منهم ، بس بيفضلوا متفوقين علي مدرسي الالماني والفرنسي وبعدهم يكون مدرسي المواد الأدبية والفلسفية والاجتماعية " التاريخ والجغرافيا".
دول برضوا بيدوا دروس بس بتبقي قصيرة المدي ، يعني لفترات محدودة والضغط عليهم أقل عشان ميزانية الأسر المصرية لا تتحمل دروس في كل المواد ، وطبيعي ان الباشا التلميذ يذاكر حاجه لوحده.
العريس المحامي ...من الأفضل تجنب أي عريس له علاقة بالقانون وأي سلطة قانونية تشريعية أو تنفيذية عشان احسن تبعدي عن الشر وما تغنيلهوش ، يعني احسن تسيبك من العريس المحامي ، ووكيل النيابة ، وحتي كاتب االنيابه... وطبعا السلطة التنفيذية علي بعضها.
العريس الطبيب...يفضل الابتعاد عنه ما دام تحت الأربعين ...يعني في مرحلة تكوين نفسه ، والتفكير لا يبدأ في عريس طبيب الا اذا كان عنده عياده " شغاله" وبيدرس في كام كلية ، ولو مشارك في مستشفي يبقي كويس ، وابقي قابليني لو لقيتي عريس طبيب عنده كل ده وتحت الاربعين
العريس المهندس... عريس غالباً مناسب خاصة لو بيشتغل في شركة بترول وبيسافر الموقع كثير ، وده لتقليل الخناقات الزوجية ، وزيادة كمية الهدايا بعد كل غياب وهكذا.
بعده علي طول " مهندس الحي " وده للي مش عارفه اللي بيدي تصاريح بناء او ازالة للعمارات ، وطبعا ده كنز بيكسب منه دهب ، من باب " نفع واستنفع" وان دور او اثنين زياده مش هيأثروا علي اساس العمارة اللي زي الحديد ، وانه كده بيساهم في حل أزمة الشقق ، وبرضه بيحسن دخله.
لو تحبي تطلعي في اعلانات أومو ، وبرسيل ...يبقي المهندس الميكانيكي مناسب ليكي عشان بقع الزيت.
مهندس الكمبيوتر لو مش بيشتغل في مايكروسوفت ، واسمه مش بيل جيتس يبقي سيبك منه
فيه تخصصات ممنوع الاقتراب منها زي الزراعي ، والكيميائي
العريس المحاسب... كقاعدة عامة احسن تسيبك من خريجي التجارة ، عشان معظمهم بتوع مشاكل ، فلو وافقتي علي خريج تجارة حتي لو بيشتغل موسيقار ، لازم تبقي شخصية قوية ويا ريت يكون اسمك مارجريت ثاتشر ، أو علي الاقل اليزابيث ومش مشكلة الاولي والا الثانية
العريس رجل الأعمال... عريس مكتوب عليه " لمن يجرؤ فقط"
باعتبار انه يمثل نوع من المخاطرة فغالبية " الأعمال" الموجودة علي الساحة " أعمال خطرة" أو بصراحة " أعمال حساسة" تهدد ممارسيها باحتمالات اقلها خطورة الهرب الي لندن ...بعد غرق العبارة ، او سرقة اموال البنوك ، او النصب علي مدينة الانتاح الاعلامي.
العريس الفنان... لو مكانش مشروع عمرو دياب ، او عادل امام أو زكي رستم يبقي متقبليش ... عشان الفنان غالبا عمرنجاحه قصير ، ومش هتبقي لطيفه انك تبقي حرم المطرب محمود سيد احمد صاحب اغنية " مش معقول يا حبيبي تفوتني " اللي محدش فاكرله غيرها ، او حتي الممثل " سامي سامي" الشهير بدور صبي القهوجي ، او اللي عادل امام بيديله بالقلم في مسرحياته.
العريس الجزار... محتاج لعروسة ذات دهاء وفكر عال يكفيان لجعله ينسي لغة الدماء والسواطير طالما ترك عمله
العريس الميكانيكي... كله منافع ... تضمني ان عربيتك هتبقي دايما متضبطه من كله " مواتير ، عفشه ، سمكره " ، وما يهمكيش من أي مطبات او طرق مدغدغه
دلوقتي الصوره بقت أوضح ؟
إلي المره القادمة يا أمورة
أهلا يا أمورة ...
علي الفور نعيد القواعد الأساسية... ظل رجل ولا ظل حائط ، ان غدا لناظره قريب ، لجل الضمان والهيمنة والسيطرة !!!
ولنكمل علي الفور: هذه المرة ننهي موضوع الضمان بالحديث عن الشق الأهم : ضمان البنك !!! ولذا نقول :
يجب علي كل أمورة أن تختار من البداية بشكل صحيح...
يعني بالعربي تقيس مرتين عشان تشتري مرة واحدة.
والكلام ده لما يتطبق علي الجانب المالي للزواج يكون بأن الأمورة لازم تحدد اتجاهها من الأول ... ومن قبل الأول كمان.
يعني العريس المنتظر مينفعش يكون كما يكون ... من أي مكان صحرا كان أو بستان ... لا بد أن يكون هناك تقسيم وترتيب مدروس
لازم الأمورة تعرف ان الضمان المالي مصدره الأساسي وظيفة العريس ...
طبعا فيه عوامل ثانيه ، بس المصدر الأساسي اللي بيتجاوب بيه علي سؤال من أين لك هذا ؟ لما العريس يتقبض عليه – ان شاء الله – ويتاخد قدام المدعي الاشتراكي فهيقول من وظيفتي !!! ومن مرتبي !!!
وباعتبار الأمورة والمدعي الاشتراكي واحد ... يبقي لازم تعرف من الأول ان تحقيق ضمان البنك يعتبر مستحيل لو كان العريس بيشتغل في عدد من الوظائف اللي مش ولا بد ... مالياً يعني...
مثلاً :
العريس المدرس...لا يمكن أمورة توافق علي عريس مدرس أي حاجة أولها تربية...رياضية ...فنية... موسيقية ، وكافة الأنشطة المشابهة..." مجالات ، زراعية ، صناعية ، أشغال ، تدبير" – لو فيه رجالة بتدرس أشغال أو تدبير – وطبعا السبب واضح ... انهم " ما بيدوش دروس خصوصية".
بس فيه انواع تانيه ممكن التفكير فيها مثلا : مدرس الرياضيات هو غاية المراد من رب العباد . ليه ؟ عشان مدرس الرياضيات متعدد المواهب ، يعني ممكن يدرس " جبر ، هندسة ، حساب مثلثات ، احصاء ، ميكانيكا ، الخ الخ .."
يعني في ظل نظام الثانوية العامة اللي بيتغير كل خمس دقائق ، هو مش قلقان ، لأن حتي اللي هيدخل أدبي هياخد فرع رياضيات واحد غير الاحصاء ، في حين ان العلمي هيشيل الليلة.
بعد الرياضيات ييجي مدرسين العلوم : كيمياء ، فيزياء ، احياء ... وترتيبهم بيختلف علي حسب شطارة المدرس ونجاحه في انه يعمل لنفسه شعبية في المراكز المختلفة ، وانه يخترع لنفسه لقب زي ارشميدس الكيمياء ، او نيوتن الفيزياء ، او حتي مندل الاحياء
بعد كده ييجي مدرس اللغة العربية او الانجليزية ودول صحيح مستمرين طول الثلاث سنوات للثانوية العامة ، لكن درجاتهم اقل وكده الاهتمام بيبقي أقل منهم ، بس بيفضلوا متفوقين علي مدرسي الالماني والفرنسي وبعدهم يكون مدرسي المواد الأدبية والفلسفية والاجتماعية " التاريخ والجغرافيا".
دول برضوا بيدوا دروس بس بتبقي قصيرة المدي ، يعني لفترات محدودة والضغط عليهم أقل عشان ميزانية الأسر المصرية لا تتحمل دروس في كل المواد ، وطبيعي ان الباشا التلميذ يذاكر حاجه لوحده.
العريس المحامي ...من الأفضل تجنب أي عريس له علاقة بالقانون وأي سلطة قانونية تشريعية أو تنفيذية عشان احسن تبعدي عن الشر وما تغنيلهوش ، يعني احسن تسيبك من العريس المحامي ، ووكيل النيابة ، وحتي كاتب االنيابه... وطبعا السلطة التنفيذية علي بعضها.
العريس الطبيب...يفضل الابتعاد عنه ما دام تحت الأربعين ...يعني في مرحلة تكوين نفسه ، والتفكير لا يبدأ في عريس طبيب الا اذا كان عنده عياده " شغاله" وبيدرس في كام كلية ، ولو مشارك في مستشفي يبقي كويس ، وابقي قابليني لو لقيتي عريس طبيب عنده كل ده وتحت الاربعين
العريس المهندس... عريس غالباً مناسب خاصة لو بيشتغل في شركة بترول وبيسافر الموقع كثير ، وده لتقليل الخناقات الزوجية ، وزيادة كمية الهدايا بعد كل غياب وهكذا.
بعده علي طول " مهندس الحي " وده للي مش عارفه اللي بيدي تصاريح بناء او ازالة للعمارات ، وطبعا ده كنز بيكسب منه دهب ، من باب " نفع واستنفع" وان دور او اثنين زياده مش هيأثروا علي اساس العمارة اللي زي الحديد ، وانه كده بيساهم في حل أزمة الشقق ، وبرضه بيحسن دخله.
لو تحبي تطلعي في اعلانات أومو ، وبرسيل ...يبقي المهندس الميكانيكي مناسب ليكي عشان بقع الزيت.
مهندس الكمبيوتر لو مش بيشتغل في مايكروسوفت ، واسمه مش بيل جيتس يبقي سيبك منه
فيه تخصصات ممنوع الاقتراب منها زي الزراعي ، والكيميائي
العريس المحاسب... كقاعدة عامة احسن تسيبك من خريجي التجارة ، عشان معظمهم بتوع مشاكل ، فلو وافقتي علي خريج تجارة حتي لو بيشتغل موسيقار ، لازم تبقي شخصية قوية ويا ريت يكون اسمك مارجريت ثاتشر ، أو علي الاقل اليزابيث ومش مشكلة الاولي والا الثانية
العريس رجل الأعمال... عريس مكتوب عليه " لمن يجرؤ فقط"
باعتبار انه يمثل نوع من المخاطرة فغالبية " الأعمال" الموجودة علي الساحة " أعمال خطرة" أو بصراحة " أعمال حساسة" تهدد ممارسيها باحتمالات اقلها خطورة الهرب الي لندن ...بعد غرق العبارة ، او سرقة اموال البنوك ، او النصب علي مدينة الانتاح الاعلامي.
العريس الفنان... لو مكانش مشروع عمرو دياب ، او عادل امام أو زكي رستم يبقي متقبليش ... عشان الفنان غالبا عمرنجاحه قصير ، ومش هتبقي لطيفه انك تبقي حرم المطرب محمود سيد احمد صاحب اغنية " مش معقول يا حبيبي تفوتني " اللي محدش فاكرله غيرها ، او حتي الممثل " سامي سامي" الشهير بدور صبي القهوجي ، او اللي عادل امام بيديله بالقلم في مسرحياته.
العريس الجزار... محتاج لعروسة ذات دهاء وفكر عال يكفيان لجعله ينسي لغة الدماء والسواطير طالما ترك عمله
العريس الميكانيكي... كله منافع ... تضمني ان عربيتك هتبقي دايما متضبطه من كله " مواتير ، عفشه ، سمكره " ، وما يهمكيش من أي مطبات او طرق مدغدغه
دلوقتي الصوره بقت أوضح ؟
إلي المره القادمة يا أمورة
