عزيزتي الأمورة ...3
بضمان المأذون الشرعي...!!!
أهلا يا أمورة ...
تذكرين أن أهدافنا ثلاثة ، الضمان- الهيمنة – السيطرة
اليوم نتكلم عن الهدف الأول : الضمان
التعريف المختصر اللي كتبناه المقال اللي فات يمكن ما وضحش قوي المعني ، عشان كده هاشرح بطريقه تانيه
لما بنروح نشتري ثلاجه ، ونبدا نقارن بين الأنواع والأشكال والأسعار ، بنسئل برضه عليها ضمان كم سنة ؟
ورغم ان الزوج أهميته في البيت متقلش عن الثلاجه – ساعات الثلاجه بتبقي أفيد – بس الغريب أنك لما تتزوجيه مابتاخديش من المأذون أي ضمان !!!
وعشان كده المشاكل والأعطال بتظهر بسرعه ، وعشان مفيش ضمان انت اللي بتشربي المقلب.
عشان كده بيكون الضمان عامل مهم جدا في الزواج ، صحيح المأذون بيقدملك ضمان في العقد ، يعني المؤخر ، بس ده في حالة الطلاق ، وطبعا الميراث في حالة الوفاة ، لكن مفيش ضمان في حالة استمرار الزواج!!!
عشان كده حطيت الضمان في مقدمة أهداف الأمورة
الأمورة لازم يكون هدفها الأساسي من مرحلة الخطوبة انها تنفذ سياسة تجفيف المنابع بتاعة امريكا ، بس مش لمحاربة الارهاب ، عشان تحقق الضمان
يعني تبدأ كده بشكل غير مباشر وغير محسوس – وده أهم حاجة عشان لو الزبون حس هيبوظ الموضوع – تبدأ تعرف منه بياخد كام ؟ وايه الفلوس اللي بتجيله علي فترات ؟ عنده بيزنس مخبيه ؟ بياخد فلوس من اهله ولا بيديهم ؟ عنده شقة مأجرها ؟ عنده حسابات في بنوك سويسرا ؟
وبعد ما تحصري كل المعلومات لازم تتاكدي من سلامتها ، يعني تأكديها من مصادر تانيه ، يعني مثلاً موظفين الحكومة بياخدوا تفاصيل المرتب مطبوعة ، فمفيش مانع انك تاخدي منه واحده بشكل ما ( كل واحده وشطارتها) ، ممكن مثلاً لما تتعرفي علي حد من زملائه تساليهم بشكل شيك كده مايبينش انت بتسالي علي ايه
مصدر مهم جدا برضه أهله ، حاولي انك تسألي نفس السؤال لأكثر من واحد ،وشوفي الردود هتبقي متشابهه ،ولا هيبقي فيه تنوع يبينلك الصوره الحقيقية اللي محدش عاوزك تشوفيها
بعد الفحص والتدقيق تقدري تحددي هو معاه ايه ،و انت عاوزه ايه
وبصراحة دي مرحلة لازم فيها تقفي مع نفسك وتقرري ، هو ده الشخص اللي يوفرلك الضمان اللي يكفيكي ...؟؟ لو مش هو او عندك شك ...يبقي ما تتردديش ، خدي البديل اللي بعده ... أي غلطه هتخليكي تضيعي وقت من عمرك مع الشخص الغلط – ده طبعا لو كان فيه شخص صح –
هيبقي فيه معانا دايما مراحل لازم نقف ونفكر ،ونقرر نكمل ولا ننقل علي اللي بعده ، ودي مراحل مهمة جدا عشان تبقي أمورة
خلاص قررتي انك مع الاختيار الأفضل ؟ يبقي نكمل
لازم تعرفيه انك حاجه مختلفة عن أي حد شافه قبل كده ، وانك محتاجه أكثر من أي حد في الدنيا ، وان ده الطبيعي اللي المفروض يعمله ،وانك مش طالبه منه أي حاجه زياده .
يعني مثلاً الشقة...
قوليله انك بتحبي الشقق الكبيرة ...
وانك بتتخنقي من الشقق المتوسطة ...
وماتقدريش تدخلي شقة صغيرة...
هيقولك الشقق الواسعة غالية، وهاتحتاج فلوس توضيب أكثر،وأثاث أكثر ...
قوليله هو انت عاوز تخنقني وخلاص ؟
وصممي علي رأيك وماتقبليش أي تفاهم
أما بقي ان كان عنده شقه وعرضها عليكي ، فاستحالة ترضي بيها ...
شقتك لازم انت اللي تختاريها علي مزاجك ، مش كفاية انه هيسكن معاكي فيها ؟؟؟
ديه بتبقي من الغلطات القاتلة انك ترضي بشقته ، سواء كان ساكن فيها أو سايبها لوقت ما يتزوج
أهم حاجه ان الشقة تكون واسعة جدا وعلي مزاجك ...
لو حاول المحاولة التقليدية بانه يقولك ان الفلوس الكثير ديه ممكن نوفرها خصوصا ان اهلك هيدفعوا في فرش الشقة برضه ...
قوليله مالكش دعوه ، هو انت هتصرف علينا والا تدينا صدقة ، خليك في نصيبك اللي مش قادر عليه
هيحاول محاولة تانيه :
يقولك ان زملائه واصحابه كلهم ساكنين شقق صغيرة او متوسطه ...
تردي علي طول بان زميلاتك وصاحباتك ساكنين في فيلات وشقق ضخمة ...
وانك ما طلبتيش زيهم ، ورضيتي بالشقة ...
بس رضيتي بالهم والهم مرضيش بيكي ...
واعملي قصة كبيرة من الموضوع ...
وما تعبريهوش لغاية ما يوافق ...
والا ... تنقلي علي البديل اللي بعده
كفاية كده ... ونكمل المره الجاية
أهلا يا أمورة ...
تذكرين أن أهدافنا ثلاثة ، الضمان- الهيمنة – السيطرة
اليوم نتكلم عن الهدف الأول : الضمان
التعريف المختصر اللي كتبناه المقال اللي فات يمكن ما وضحش قوي المعني ، عشان كده هاشرح بطريقه تانيه
لما بنروح نشتري ثلاجه ، ونبدا نقارن بين الأنواع والأشكال والأسعار ، بنسئل برضه عليها ضمان كم سنة ؟
ورغم ان الزوج أهميته في البيت متقلش عن الثلاجه – ساعات الثلاجه بتبقي أفيد – بس الغريب أنك لما تتزوجيه مابتاخديش من المأذون أي ضمان !!!
وعشان كده المشاكل والأعطال بتظهر بسرعه ، وعشان مفيش ضمان انت اللي بتشربي المقلب.
عشان كده بيكون الضمان عامل مهم جدا في الزواج ، صحيح المأذون بيقدملك ضمان في العقد ، يعني المؤخر ، بس ده في حالة الطلاق ، وطبعا الميراث في حالة الوفاة ، لكن مفيش ضمان في حالة استمرار الزواج!!!
عشان كده حطيت الضمان في مقدمة أهداف الأمورة
الأمورة لازم يكون هدفها الأساسي من مرحلة الخطوبة انها تنفذ سياسة تجفيف المنابع بتاعة امريكا ، بس مش لمحاربة الارهاب ، عشان تحقق الضمان
يعني تبدأ كده بشكل غير مباشر وغير محسوس – وده أهم حاجة عشان لو الزبون حس هيبوظ الموضوع – تبدأ تعرف منه بياخد كام ؟ وايه الفلوس اللي بتجيله علي فترات ؟ عنده بيزنس مخبيه ؟ بياخد فلوس من اهله ولا بيديهم ؟ عنده شقة مأجرها ؟ عنده حسابات في بنوك سويسرا ؟
وبعد ما تحصري كل المعلومات لازم تتاكدي من سلامتها ، يعني تأكديها من مصادر تانيه ، يعني مثلاً موظفين الحكومة بياخدوا تفاصيل المرتب مطبوعة ، فمفيش مانع انك تاخدي منه واحده بشكل ما ( كل واحده وشطارتها) ، ممكن مثلاً لما تتعرفي علي حد من زملائه تساليهم بشكل شيك كده مايبينش انت بتسالي علي ايه
مصدر مهم جدا برضه أهله ، حاولي انك تسألي نفس السؤال لأكثر من واحد ،وشوفي الردود هتبقي متشابهه ،ولا هيبقي فيه تنوع يبينلك الصوره الحقيقية اللي محدش عاوزك تشوفيها
بعد الفحص والتدقيق تقدري تحددي هو معاه ايه ،و انت عاوزه ايه
وبصراحة دي مرحلة لازم فيها تقفي مع نفسك وتقرري ، هو ده الشخص اللي يوفرلك الضمان اللي يكفيكي ...؟؟ لو مش هو او عندك شك ...يبقي ما تتردديش ، خدي البديل اللي بعده ... أي غلطه هتخليكي تضيعي وقت من عمرك مع الشخص الغلط – ده طبعا لو كان فيه شخص صح –
هيبقي فيه معانا دايما مراحل لازم نقف ونفكر ،ونقرر نكمل ولا ننقل علي اللي بعده ، ودي مراحل مهمة جدا عشان تبقي أمورة
خلاص قررتي انك مع الاختيار الأفضل ؟ يبقي نكمل
لازم تعرفيه انك حاجه مختلفة عن أي حد شافه قبل كده ، وانك محتاجه أكثر من أي حد في الدنيا ، وان ده الطبيعي اللي المفروض يعمله ،وانك مش طالبه منه أي حاجه زياده .
يعني مثلاً الشقة...
قوليله انك بتحبي الشقق الكبيرة ...
وانك بتتخنقي من الشقق المتوسطة ...
وماتقدريش تدخلي شقة صغيرة...
هيقولك الشقق الواسعة غالية، وهاتحتاج فلوس توضيب أكثر،وأثاث أكثر ...
قوليله هو انت عاوز تخنقني وخلاص ؟
وصممي علي رأيك وماتقبليش أي تفاهم
أما بقي ان كان عنده شقه وعرضها عليكي ، فاستحالة ترضي بيها ...
شقتك لازم انت اللي تختاريها علي مزاجك ، مش كفاية انه هيسكن معاكي فيها ؟؟؟
ديه بتبقي من الغلطات القاتلة انك ترضي بشقته ، سواء كان ساكن فيها أو سايبها لوقت ما يتزوج
أهم حاجه ان الشقة تكون واسعة جدا وعلي مزاجك ...
لو حاول المحاولة التقليدية بانه يقولك ان الفلوس الكثير ديه ممكن نوفرها خصوصا ان اهلك هيدفعوا في فرش الشقة برضه ...
قوليله مالكش دعوه ، هو انت هتصرف علينا والا تدينا صدقة ، خليك في نصيبك اللي مش قادر عليه
هيحاول محاولة تانيه :
يقولك ان زملائه واصحابه كلهم ساكنين شقق صغيرة او متوسطه ...
تردي علي طول بان زميلاتك وصاحباتك ساكنين في فيلات وشقق ضخمة ...
وانك ما طلبتيش زيهم ، ورضيتي بالشقة ...
بس رضيتي بالهم والهم مرضيش بيكي ...
واعملي قصة كبيرة من الموضوع ...
وما تعبريهوش لغاية ما يوافق ...
والا ... تنقلي علي البديل اللي بعده
كفاية كده ... ونكمل المره الجاية
