مكانش يومك يا بلوتو

" فقد بلوتو مكانته ككوكب عندما غير علماء من جميع أنحاء العالم وضعه إلي «كويكب»، الأمر الذي يعني أن المجموعة الشمسية أصبحت تضم ثمانية كواكب فقط.وبفارق صوت واحد فقط، أصبحت المجسمات والنماذج الموضوعة للمجموعة الشمسية تنتمي إلي الماضي، الأمر الذي سيجبر المعلمين والناشرين علي أن يسارعوا بتحديث الكتب الدراسية والدروس التي تردد في الفصول الدراسية منذ عقود.وقال مايك براون من معهد كاليفورنيا للتكنولوجيا للصحفيين في مؤتمر صحفي عبر الهاتف: «بلوتو مات». "
لا مش ممكن ابدا...!!!
مش مصدق ان العزيز الغالي اتخطف !!!
كله الا بلوتو!!
بس مش لازم الصدمة تخلينا نتخض وننسي ان الخطر لسه موجود ، وان اللي مسحوا اسم بلوتو من سجل المجموعة الشمسية لسه موجودين ، ولو سكتنا النهارده علي بلوتو ، هيدخلوا بكره علي نبتون
وكله كوم ونبتون كوم تاني ، وانا شخصيا مش هاسمح ان حد يقرب من نبتون عشان ده اهله موصيني عليه من زمان
لازم الكل يتعاون عشان ندافع عن كواكبنا الثمانية اللي فاضله ، ونعتبر ده هدية متواضعة لروح فقيدنا العزيز الغالي
وداعا يا بلوتو ... هنفضل فاكرينك